Олий таълим муассасаларига ўқишга кириш учун Самарқанд вилоятида тест синовлари 5 та майдонда бўлиб ўтмоқда. 

Бу йилги тест синовлари учун:

1. Самарқанд шаҳар Депо кўчасидаги “Локомотив” футбол майдонида - 1200 та;

2. Сартепо 2-БЎСМ футбол майдонида - 1080 та;

3. Кимёгарлар қўрғони “Нурафшон” футбол майдонида - 960 та;

4. Самарқанд туманидаги БЎСМ футбол майдонида - 960 та;

5. Жомбой туманидаги БЎСМ футбол майдонида - 1200 та, жами 5400 та ўрин ҳозирланган.

Тест синовлари икки сменада ўтказилади. 1-смена эрталаб соат 07:00 да, 2-смена соат 19:00 да бошланиб, 3 соатдан давом этади.

Тест синовларига олий таълим муассасаларининг профессор-ўқитувчилари ва халқ таълимининг директор, директор ўринбосарларидан иборат 409 нафар назоратчи жалб этилган.

Эслатиб ўтамиз: Самарқандда тест синовлари 14 августгача давом этади.