Самарқанд вилояти ҳокимлиги w w w . s a m a r k a n d . u z

Самарқандда ер солиғи ставкаларига ўзгартиш киритилди

Самарқандда ер солиғи ставкаларига ўзгартиш киритилди

Халқ депутатлари Самарқанд вилояти Кенгашининг 2021 йил 25 декабрдаги “Самарқанд вилоятида қишлоқ хўжалигига мўлжалланмаган ерлар учун шаҳар ва туманлар кесимида иқтисодий ижтимоий ривожланишига қараб ер солиғи ставкаларини белгилаш тўғрисида”ги VI-52-111-7-0-К/21-сон қарорига ўзгартириш киритиш тўғрисида

Халқ депутатлари Самарқанд вилояти Кенгашининг ҚАРОРИ

Вилоятда тадбиркорликни қўллаб-қувватлаш, солиқ юкини камайтириш, солиқ йиғувчанлигини ва маҳаллий бюджетларнинг қўшимча даромадларини ошириш мақсадида Солиқ кодексининг 429 ва 437-моддалари ҳамда вилоят давлат солиқ бошқармаси (2022 йил 16 февралдаги 19/10-10610-сон) ва вилоят молия бош бошқармасининг (2022 йил 17 февралдаги 01/02-38/173-сон) хулосаларига асосланиб, халқ депутатлари Самарқанд вилояти Кенгашининг эллик тўққизинчи сессияси ҚАРОР ҚИЛАДИ:

1. Халқ депутатлари Самарқанд вилояти Кенгашининг 2021 йил 25 декабрдаги “Самарқанд вилоятида қишлоқ хўжалигига мўлжалланмаган ерлар учун шаҳар ва туманлар кесимида иқтисодий ижтимоий ривожланишига қараб ер солиғи ставкаларини белгилаш тўғрисида”ги VI-52-111-7-0-К/21-сон қарорининг 1-илова (Самарқанд вилоятида қишлоқ хўжалигига мўлжалланмаган ерлар учун 2022 йилда юридик шахсларга нисбатан қўлланиладиган ер солиғи ставкалари миқдори) ва 2-илова (Самарқанд вилоятида қишлоқ хўжалигига мўлжалланмаган ерлар учун 2022 йилда жисмоний шахсларга нисбатан қўлланиладиган ер солиғи ставкалар миқдорлари) лари 1 ва 2-иловаларга мувофиқ янги таҳрирда баён этилсин.

2. Халқ депутатлари шаҳар ва туманлар Кенгашларига Ўзбекистон Республикаси Президентининг 2020 йил 3 декабрдаги “Ресурс солиқлари ва мол-мулк солиғини янада такомиллаштириш тўғрисида”ги ПФ-6121-сон фармонига асосан, мазкур қарорнинг 1 ва 2-иловаларига мувофиқ тасдиқланган камайтирувчи ва оширувчи коэффициентлардан келиб чиққан ҳолда базавий солиқ ставкаларига 0,7 дан 3,0 гача бўлган камайтирувчи ва оширувчи коэффициентларни даҳа, массив, маҳалла, кўча кесимида қайта белгилаш тавсия этилсин.

3. Вилоят ҳокимлиги ахборот хизмати раҳбари – матбуот котиби (М.Мирзаев), вилоят ҳокимлиги “Ахборот-коммуникация технологияларини ривожлантириш маркази” (А.Анваров) ушбу қарорни “Зарафшон” ва “Самаркандский вестник” газеталарида расман эълон қилиниши ва вилоят ҳокимлигининг расмий веб-сайтига жойлаштирилишини таъминласинлар.

4. Мазкур қарорнинг бажарилишини назорат қилиш халқ депутатлари вилоят Кенгашининг Маҳаллий бюджет, иқтисодий ислоҳотларни амалга ошириш, инвестициялар ва тадбиркорликни ривожлантириш масалалари бўйича доимий комиссияси (Ф.Насруллаев) ва вилоят ҳокимининг биринчи ўринбосари (Ж.Ўроқов) зиммасига юклансин.

5. Ушбу қарор расмий эълон қилинган кундан эътиборан кучга киради. 

Кенгаш раиси                                                  Э.Турдимов


2022 йил, 12 март,
№ VI-59-50-7-0-K/22

 


Охирги ўзгариш: 17/03/2022 09:16.   Кўрилганлиги: 309
 
Материал манзили: https://samarkand.uz/uz/press/news/samarqandda-er-soligi-stavkalariga-ozgartish-kiritildi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 8

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.