Вилоят ҳокимлигида халқ депутатлари Самарқанд вилояти Кенгашининг ўттиз иккинчи сессияси ўз ишини бошлади.

Сессия кун тартибига халқ депутатлари вилоят Кенгашининг нодавлат-нотижорат ташкилотлари ва фуқаролик жамиятининг бошқа институтлари масалалари бўйича доимий комиссияси раиси С.Рафиқовнинг вилоятда “Аёллар дафтари” бўйича амалга оширилаётган ишлар тўғрисидаги ахбороти, ёшлар ишлари агентлиги вилоят бошқармаси бошлиғи Ҳ.Тўхтаевнинг ёшлар фаолияти билан боғлиқ соҳаларда учраётган долзарб муаммо ва камчиликлар ҳамда уларнинг ечими, вилоят божхона бошқармаси бошлиғи Я.Мирзараҳимовнинг вилоятнинг экспорт салоҳиятини ошириш борасида амалга оширилаётган ишлар, вилоят ИИБ бошлиғининг ўринбосари - ҳуқуқбузарликлар профилактикаси бошқармаси бошлиғи А.Ҳалимовнинг 2021 йил I чораги мобайнида жиноятчиликнинг олдини олиш ва ҳуқуқбузарликлар профилактикасини таъминлаш фаолияти бўйича ҳисоботи каби масалалар киритилган.