Ҳа, айнан шундай. Гап шундаки, андижонлик архитектор Искандар Солиев турмуш ўртоғи ҳамда 9 ойлик фарзанди билан 10 километр масофани босиб ўтди.

Искандар ака бу каби мусобақаларда доим иштирок этиб келар экан.

- Тарбия фарзанд туғилганиданоқ бошланади, дейишади. Шунга амал қилиб, унинг ҳам ҳозирдан спортга бўлган ҳавасини уйғотиш ниятида бирга ҳаракатландик, - дейди И.Солиев. - Шу билан бирга, Самарқанд шаҳрининг тарихий обидалари ва кўчаларини пиёда сайр қилдик. Айниқса, марра чизиғини босиб ўтганимизда атрофдагиларнинг бизга қизиқиши ва ҳавасини кўриб қувондик.