Туманнинг Челак шаҳридаги 1-сонли БЎСМ ўйингоҳида  «Янги Ўзбекистон ёшлари, бирлашайлик!» шиори остидаги фестивалнинг якуний гала-концерти бўлиб ўтди.

Унда вилоят ҳокими Э.Турдимов иштирок этиб, ёшлар ойлиги доирасида ўтказилган тадбирларда фаол бўлган йигит-қизларни, ёшларга кўмакдош бўлган ташкилотлар вакилларини тақдирлади.

- Ёшлар билан суҳбатлашиб, кўнглим тоғдай кўтарилди, - деди ҳоким. - Чунки уларнинг орзуси юксак, мақсади аниқ. Билимли, заковатли, ғайратли. Беш тилни она тилидай биладиган, бир вақтнинг ўзида ўнга яқин хориж олийгоҳларига ўқишга кирган ёшларимиз бор. Улар бизнинг бахтимиз, келажагимиз.