Бош прокуратура ҳузуридаги Департаментнинг Паст Дарғом тумани бўлими томонидан ҳудудда терговга қадар текширув ўтказилди.

Унда фуқаро М.М. ўзига тегишли ер участкасида иссиқхона ташкил қилиб, газ тармоғига ноқонуний уланиб, табиий газдан фойдаланиб келганлиги натижасида “Ҳудудгаз Самарқанд” газ таъминоти ҳудудий филиали манфаатларига 70,7 миллион сўм зарар етказганлиги аниқланган.

Мазкур ҳолат юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят иши қўзғатилиб, тергов ҳаракатлари ўтказилмоқда, дейилган Бош прокуратураси ҳузуридаги Иқтисодий жиноятларга қарши курашиш департаменти хабарида.