Ўзбекистон Республикаси Президенти ҳузуридаги давлат хизматини ривожлантириш агентлиги Самарқанд вилояти филиали билан ҳамкорликда вилоятдаги

1105 маҳалла фуқаро йиғини раислари ўртасида ижтимоий сўров ўтказилди. Унда раислар етти саволга жавоб беришди. Натижалардан келиб чиқиб, соҳалар кесимида кўрсатилаётган хизматдан қониқиш даражаси ҳисоблаб чиқилди.

«Кўрсатилаётган транспорт хизмати Сизни қониқтирадими?» деган саволга раисларнинг 74,6 фоизи (824 нафари) қониқтиришини билдириб, жавоб берган.

Ижтимоий сўровнома натижалари ҳудудлар кесимида таҳлил қилинганида нурободлик раисларнинг 38 фоизи, пайариқлик раисларнинг 35 фоизи ҳамда Самарқанд шаҳридаги маҳалла раисларининг 29 фоизи бугунги кунда соҳа вакилларининг хизматидан норозилигини билдирган.