Давлатимиз раҳбарининг 2019 йил 18 февралдаги “Ўзбекистон Республикасида йилқичилик ва от спортини янада ривожлантириш чора-тадбирлари тўғрисида”ги қарори ижроси доирасида “Қорабайир отлар марафони”  ташкил этилмоқда. 

Марафонда юртимизнинг машҳур чавандозлари Капитал, Юлдуз, Карол, Лимон, Мираж, Наврўз, Оқсарой, Олмос, Садаф, Сангар, Тўриқ, Қалдирғоч, Мамлюк, Сапсан, Истанбул, Комиссар, Барон, Граф, Бургут, Тўфон лақабли тулпорлари билан Тошкент вилоятининг Нурафшон шаҳридан рўйи замин сайқали Самарқандгача йўл босиб ўтишади.

 Старт бугун Нурафшон шаҳридаги янги “Смарт сити” ҳудудида. Чавандозлар 330 километр масофани босиб ўтиб, 7 декабрь куни Самарқанд шаҳри, Регистон майдонига кириб боришади.