Самарқандда 25 октябрдан 1 ноябрга қадар вилоят ҳарбий-маъмурий сектори ташаббуси билан “Меҳнат, ҳарбий ватанпарварлик йиғини” лойиҳаси ўтказилди.

Лойиҳа доирасида “Ёшлар дафтари”га киритилган, турли тадбирларда ғолибликни қўлга киритган ҳамда кам таъминланган 80 нафар оила фарзандлари кичик мутахассисларни тайёрлаш марказида маънавий-маърифий, жанговар мутахассисликлар бўйича тайёргарлик машғулотлари, маданий тадбирлар, тадбиркорлар билан учрашувлар ва спорт мусобақаларида қатнашишди.

Мазкур лойиҳанинг ёпилишига бағишланган тадбирда вилоят ҳокимлиги, Марказий ҳарбий округ ва Ёшлар ишлари агентлиги вилоят бошқармаси мутасаддилари иштирок этиб, ёшларнинг келгуси ишларига омад тилади.

Тадбирда лойиҳа доирасида ўтказилган танлов ва мусобақаларда фаол иштирок этган ёшлар ташкилотчилар томонидан муносиб тақдирланди.