Вилоят ҳокими Эркинжон Турдимов, Марказий ҳарбий округ қўшинлари қўмондони Айбек Саидов, сектор раҳбарлари,

ҳарбийлар ва жамоатчилик вакиллари Самарқанд шаҳрида яшовчи, Иккинчи жаҳон уруши қатнашчилари Михаил Колмогоров ва Сафия Погребоваларнинг хонадонларида бўлиб, уларни Янги йил билан табриклашди.

Вилоят ҳокими отахон ва онахонга Президент томонидан йўлланган табрикни ўқиб бериб, тантанали равишда “Ўзбекистон Республикаси Мустақиллигининг 30 йиллиги” эсдалик нишонини топширди. Иккинчи жаҳон уруши қатнашчиларига вилоят ҳокимлиги ҳамда Марказий ҳарбий округ қўшинлари қўмондонлигининг совғалари ва дори-дармон учун сертификатлари берилди.