Бугун аҳоли мурожаатларини тинглаш ва уни ижобий ҳал этиш ҳар бир ташкилот, ҳар бир раҳбар фаолиятининг асосий бир қисмига айланиб бормоқда. 

Зеро, юртбошимиз таъкидлаганларидек, “Халқимиз рози бўлса, ишимизда унум ва барака бўлади”.
Булунғур туманидаги 1-сон касб-ҳунар мактабида ташкил этилган навбатдаги қабул ҳам ана шу эзгу ғоя асосида бўлиб ўтди.
Самарқанд вилояти Экология ва атроф-муҳитни муҳофаза қилиш бошқармаси бошлиғи А.Раимжоновнинг сайёр қабули давомида фуқаролардан турли мазмундаги мурожаатлар қабул қилинди.
Мазкур қабулда бошқарманинг туман назорат инспекцияси, Самарқанд йўл қўкалам ва вилояти Экология партияси ҳамда туман кенгаши вакиллари иштирок этишди.
Сайёр қабул давомида жисмоний ва юридик шахслар томонидан 30 дан ортиқ мурожаатлар келиб тушди. Билдирилган муаммоларнининг аксариятига шу жойнинг ўзида жавоб қайтарилди ва айримларини тегишли тартибда бартараф этиш бўйича масъулларга кўрсатмалар берилди.

Вилояти Экология бошқармаси ахборот хизмати