Давлат хизматини ривожлантириш агентлиги Самарқанд вилояти филиали ҳамда Давлат сиёсати ва бошқаруви академияси ҳудудий филиали ҳамкорлигида

Тойлоқ тумани ҳокимлиги аппарат ходимлари ва туман ташкилотлари раҳбарлари учун ўқув-семинар ташкил этилди.

Семинар иштирокчиларига филиал ходимлари ва Академиянинг ҳудудий филиали масъуллари томонидан Давлат фуқаролик хизматчилари одоб-ахлоқининг Намунавий қоидалари” мазмун-моҳияти, маҳаллий давлат ҳокимияти органлари раҳбарлари фаолиятини энг муҳим самарадорлик кўрсаткичлари (ЭМСК) асосида баҳолаш механизмлари ҳамда стресс профилактикаси юзасидан маъруза ва тренинг машғулотлари ўтказилди.

Шунингдек, семинар давомида бугунги кун давлат хизматчилари учун зарур кўникмаларни ривожлантиришга эътибор қаратилди.

Мазкур ўқув-семинар давлат хизматчиларининг ўз устида ишлаши, бошқарув салоҳиятини янада кучайтириш ва ижтимоий масъулиятни ошишига хизмат қилади.