Ўзбекистон Республикаси Вазирлар Маҳкамасининг 2019 йил 31 июлдаги 639-сонли қарори асосида тасдиқланган манзилли дастурга мувофиқ 2021 йилда Нарпай туманида 4 та аҳоли пунктлари Гулистон, Дедан, Чархин ва Хўжақўрғон маҳалла фуқаролар йиғинларининг бош режа ва батафсил режалаштириш лойиҳалари ишлаб чиқилиши белгиланган.

Бугунги кунда “Қишлоққурилишлойиҳа” МЧЖ бош лойиҳа институти томонидан  мазкур аҳоли пунктларининг лойиҳа ҳужжатлари ишлаб чиқилди.

Ўзбекистон Ресупбликаси Шаҳарсозлик кодексининг 38-моддаси “Аҳоли пунктлари бош режаларининг жамоатчилик муҳокамаси” талабларига асосан ишлаб чиқилган бош режа лойиҳалари юридик ва жисмоний шахслар, жамият ва давлат манфаатларига мувофиқлиги юзасидан кенг жамоатчилик томонидан муҳокама қилиш учун ҳавола қилинмоқда.

Тақдим этилган лойиҳалар юзасидан фикр ва мулоҳазаларингиз, таклиф ва тавсияларингиз бўлса, бизнинг ушбу манзилимизга билдиришингиз мумкин.