XII асрнинг иккинчи ярми ва XIII асрнинг биринчи ярмида яшаб ижод этган математик олим Шарофуддин ал-Ҳусайн ибн ал-Ҳасан ас-Самарқандийнинг таржимаи ҳоли ва ижоди ҳақида тўлиқ маълумотга эга эмасмиз. 

К.Броккельманнинг «Араб адабиёти тарихи» асарида кўрсатилишича, Шарофуддин Самарқандий 632/1235 йили вафот этган ва ўзидан кейинги авлодларга «Фи тариқ ал-масоил ал-ададия» («Сон масалалари йўли ҳақида») номли асарни ёзиб қолдирган. Ҳозирча кам ўрганилган самарқандлик олим Шарофуддин Самарқандийнинг ҳаёти ва ижодини чуқурроқ ўрганиш Ўрта Осиё математикаси тарихини ўрганишда катта аҳамиятга эга.