АБУ МАНСУР АЛ-МОТУРУДИЙ ЗИЁРАТГОҲИ

Тўлиқ номи: Абу Мансур Ал-Мотрудий мажмуаси

Манзили: Самарқанд шаҳри Ғиждувон кўчаси, 4-уй

Ташкил топган йили: 2000

Қайси ташкилотга бўйсуниши: Самарқанд давлат музей-қўриқхонаси

Йўналиши: Тарихий-маданий-бадиий

Бўлимлар сони: 1

Ходимлар сони: 7

Иш тартиби: 9.00 дан 17.00 гача, ҳар куни

Электрон почтаси: sammus@inbox.uz

Раҳбари: Мухторов Маҳмудхон Маъдиевич

Телефони: +99891-527-66-55

Калом илмида мотуридия оқимининг асосчиси, Ислом оламида Имом-ул-Ҳудо (Ҳидоят имоми) деб танилган буюк илоҳиёт олими, фақиҳ, шайх Муҳаммад ибн Маҳмуд ал-Ханафий ал-Мотуридий 870 йилда Самарқанднинг Мотурид мавзесида туғилган. Дастлаб мактабда савод чиқариб, кейин мадраса таълимини олган.

Имом ал-Мотуридий Имом Ашъарий, Рудакий, Абул Ҳасан Балхий, Фаробий каби олимлар билан бир замонда яшаб, имом Муҳаммад ал-Бухорийни ўзининг маънавий устози, деб билган. Алишер Навоий Имом ал-Мотуридийнинг шаънини улуғлаб, у кишига “Буюк уламолар султони” дея юксак баҳо берган.

IX-X асрларда Ислом динини нотўғри тарғиб ва талқин қилувчилар кўпайганлиги сабабли Имом ал-Мотуридий ўзининг асарлари билан уларга қарши курашади. Унинг “Китоб ал-Тавҳид” асари алоҳида ўрин тутади. Имом ал-Мотуридий 944 йилда Самарқандда вафот этади ва шаҳардаги Чокардиза қабристонига дафн этилади.

Юртбошимиз раҳнамолигида 2000 йилда алломанинг 1130 йиллиги мамлакатимизда кенг нишонланди, имом қабри устида янги мақбара барпо этилди.