Самарқанд вилояти ҳокимлиги w w w . s a m a r k a n d . u z

Шаҳар ва туманлардаги кўп квартирали уйларнинг ертўлаларидан фойдаланганлик учун тўланадиган ижара тўловларининг энг кам миқдорларини белгилаш тўғрисида

Шаҳар ва туманлардаги кўп квартирали уйларнинг ертўлаларидан фойдаланганлик учун тўланадиган ижара тўловларининг энг кам миқдорларини белгилаш тўғрисида

.

Ўзбекистон Республикаси Вазирлар Маҳкамасининг 2021 йил 15 октябрдаги “Кўп квартирали уйнинг ертўласидан фойдаланиш чора-тадбирлари тўғрисида”ги 648-сонли қарорнинг 2-бандига асосан, шаҳар ва туманлардаги кўп квартирали уйлардаги ертўлаларидан фойдаланиш учун тўланадиган ижара тўловларининг энг кам миқдорлари белгилаш мақсадида, вилоят ҳокимининг ўринбосари А.Шукуровнинг билдиргиси, вилоят Уй-жой коммунал хизмат кўрсатиш бошқармасининг 2021 йил 14 декабрдаги (01-08/3325-сон), Ўзбекистон Республикаси Давлат активларини бошқариш Агентлиги вилоят ҳудудий бошқармасининг 2021 йил 8 декабрдаги (2917-01/06-сон) ҳамда вилоят Молия бош бошқармасининг 2021 йил 9 ноябрдаги (01/02-38/846-сон) таклифларини инобатга олиб,

ҚАРОР  ҚИЛАМАН:

  1. Кўп квартирали уйларнинг ертўлаларидан фойдаланиш учун тўланадиган ижара тўловларининг энг кам миқдорлари иловага мувофиқ тасдиқлансин.
  2. Вилоят Уй-жой коммунал хизмат кўрсатиш бошқармаси (Б.Негматов), шаҳар ва туманлар ҳокимликлари кўп квартирали уйларнинг ертўлаларидан фойдаланишда Ўзбекистон Республикаси Вазирлар Маҳкамасининг 2021 йил 15 октябрдаги 648-сонли қарори билан тасдиқланган Кўп квартирали уйнинг ертўласидан фойдаланиш тартиби тўғрисида Низом талабларига қатъий риоя қилган ҳолда иш юритилишини таъминласинлар.
  3. Шаҳар ва туман ҳокимликлари:

тадбиркорларга кўп квартирали уйлардаги ертўлалардан фойдаланишлари учун зарур шарт-шароитлар яратилишини;

кўп квартирали уйларнинг ертўласидан фойдаланилиши бўйича белгиланган тартибга қатъий риоя этилиши юзасидан назорат ўрнатсин.

  1. Вилоят телевидениеси (М.Ихтиёров), вилоят “Зарафшон” ва “Самаркандский вестник” газеталари бирлашган таҳририяти (Ф.Тошев)га мазкур қарорнинг мазмун-моҳиятини оммавий ахборот воситаларида кенг ёритиб бориш тавсия этилсин.
  2. Мазкур қарорнинг ижросини назорат қилиш вилоят ҳокимининг ўринбосари А.Шукуров зиммасига юклатилсин.

Вилоят ҳокими                                                        Э.Турдимов

Самарканд  шаҳри, 2022 йил «28» январь 46-7-0-Q/22 - сон              

Қарорни юклаб олиш (PDF 305 КБ)


Охирги ўзгариш: 02/02/2022 10:12.   Кўрилганлиги: 127
 
Материал манзили: https://samarkand.uz/shahar-va-tumanlardagi-kop-kvartirali-uylarning-ertolalaridan-foydalanganlik-uchun-tolanadigan-ijara-tolovlarining-eng-kam-miqdorlarini-belgilash-togrisida

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 11

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.