O‘zbekiston Respublikasi Oliy va o‘rta maxsus ta’lim vazirligi va O‘zbekiston Respublikasi iste’dodli yoshlarni qo‘llab-quvvatlash “Ulug‘bek” jamg‘armasi hamkorligida “Yangi O‘zbekistonning iste’dodli yoshlari” ilmiy ishlarining uchta to‘plami chop etildi.

Ushbu to‘plamlarni yoshlar orasida ommalashtirish maqsadida talabalar, doktorantlar va yosh tadqiqotchilar uchun joriy yilning sentyabr oyida “Yangi O‘zbekistonning iste’dodli yoshlari” nomli insholar tanlovi e’lon qilindi.

Samarqand davlat universiteti filologiya fakulteti talabasi Muxlisa Jalilova, tarix fakulteti talabasi Imomov Ulug’beklar ushbu tanlovda munosib ishtirok etib, tanlov g’olibiga aylandi.