w w w . s a m a r k a n d . u z
Viloyat hokimi vazifasini bajaruvchi Adiz Boboyev Janubiy Koreyaning “Gimcheon High School” maktabi ma’muriyati vakillari bilan uchrashdi.
Muloqotda Samarqand xalqaro texnologiya universiteti hamda Gimcheon o‘rta maktabi o`rtasidagi kelishuvga ko‘ra, samarqandlik kam ta’minlangan oila farzandlarining Janubiy Koreyadagi nufuzli maktabda uch yil tahsil olishi bo`yicha hamkorlik
memorandumi imzolanganligi haqida ma’lumot berildi.
Ushbu hamkorlik natijasida o‘rta va yuqori sinf o‘quvchilariga xorijda o‘qish imkoniyatini yaratilmoqda. O‘quvchilar orasidan 5 nafar o‘quvchi tanlab olinib ularga koreys tili, ingliz tili va matematika fanlaridan ko‘p qirrali intensiv ta’lim berildi. So‘ngra o‘quvchilar Gimcheon o‘rta maktabiga tavsiya etildi. Ular orasidan o‘qish va o‘zlashtirish natijalariga asosan faqat uch nafari maktabga o‘qishga qabul qilingan.
Tanlab olingan uch nafar o‘quvchiga Gimcheon o‘rta maktabi tomonidan stipendiya beriladi, ularning o‘qishi, turar joyi, Koreyaga borish chiptasi, darsliklar bilan ta’minlanadi,- deydi Gimcheon o‘rta maktabi direktor o`rinbosari Seung Min Li.
Viloyat rahbari Adiz Boboyev O‘zbekiston va Koreya xalqlarini qadimiy do‘stlik rishtalari bog‘lab turishi ikki xalqning madaniyati, urf-odat va an‘analari o‘xshashligini bildirdi. Ta’lim sohasidagi bugungi hamkorlik esa ikki mamlakat uchun ham manafaatlidir bu kabi amaliy harakatlarni yanada rivojlantirish tarafdoriman,- dedi viloyat rahbari Adiz Boboyev.
Uchrashuvda tanlab olingan uch nafar o‘quvchiga Gimcheon o‘rta maktabiga o`qish uchun sertifikatlar topshirildi.