Ijtimoiy tarmoqlarda maktab o‘quvchi-qizlarining janjallashgani aks etgan video tarqaldi. Ushbu holat yuzasidan viloyat maktabgacha va maktab ta’limi boshqarmasi tomonidan o‘rganishlar olib borilgan.

"O‘rganishlar natijasiga ko‘ra, videodagi jabrlanuvchi o‘quvchi Ishtixon tumanidagi 15-umumta’lim maktabining 7-sinfida, zo‘ravon o‘quvchi-qiz esa shu tumandagi 74-umumta’lim maktabining 10-sinfida tahsil olayotganligi aniqlandi,  - deyiladi  Samarqand viloyati maktabgacha va maktab ta’limi boshqarmasi axborot xizmati xabarida. - Mazkur holat yuzasidan har ikkala o‘quvchi bilan maktab amaliyotchi psixologlari, mahalla xotin-qizlar faoli va maktablarga biriktirilgan inspektor-pisixologlar tomonidan profilaktik suhbatlar o‘tkazilgan.

Shuningdek, holat tuman IIB tomonidan nazoratga olinib, zo‘ravon o‘quvchi qizning ota-onasiga nisbatan Ma’muriy javobgarlik to‘g‘risidagi kodeksning 47-moddasi, birinchi qismi bilan ma’muriy bayonnoma rasmiylashtirilgan".