.

XALQ DEPUTATLARI SAMARQAND VILOYATI KENGASHI

Samarqand viloyati mahalliy davlat hokimiyati organlarining eskirgan va o‘z ahamiyatini yo‘qotgan normativ tusdagi qarorlarini bekor qilish to‘g‘risida

O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020 yil 27 sentyabrdagi PF–6075-son Farmoni ijrosini ta’minlash maqsadida “Mahalliy davlat hokimiyati to‘g‘risida”gi O‘zbekiston Respublikasi Qonunining 6, 24 va 25-moddalariga muvofiq, xalq deputatlari viloyat Kengashining VI chaqiriq, -----sessiyasi

Q A R O R     Q I L A D I:

1. O‘zbekiston Respublikasi Prezidentining 2020 yil 27 sentyabrdagi PF–6075-son Farmonida 2021 yil 1 iyunga qadar mahalliy davlat hokimiyati organlarining eskirgan va o‘z ahamiyatini yo‘qotgan normativ-huquqiy hujjatlarini bekor qilish choralarini ko‘rish belgilanganligi inobatga olinsin.
2. Samarqand viloyatidagi mahalliy davlat hokimiyati organlari tomonidan qabul qilingan eskirgan va o‘z ahamiyatini yo‘qotgan normativ huquqiy tusdagi qarorlar ilovaga muvofiq o‘z kuchini yo‘qotgan deb hisoblansin.
3. Viloyat hokimligi axborot xizmati rahbari - matbuot kotibi (M.Mirzayev) ushbu qaror rasmiy e’lon qilinishini va hokimlikning rasmiy veb-saytiga joylashtirilishini ta’minlasin.
4. Mazkur qaror rasman e’lon qilingandan keyin kuchga kiradi.
5. Ushbu qarorning bajarilishini nazorat qilish viloyat hokimining birinchi o‘rinbosari J.Urakov zimmasiga yuklatilsin.

Kengash raisi                                                            E.Turdimov

Qarorni yuklab olish (PDF 14,3 MB)