.

Bulung‘ur tuman hokimligida tumani hokimligi xodimlari hamda tuman tashkilotlari rahbarlari ishtirokida O‘zbekiston Respublikasining 2024-yil 5-iyundagi “Manfaatlar to‘qnashuvi to‘g‘risida”gi 931-sonli Qonunining mazmun va mohiyatini tushuntirish hamda “9-dekabr – Xalqaro korrupsiyaga qarshi kurash” kuniga bag‘ishlangan “Korrupsiyaga qarshi kurashish hamda uni oldini olish”mavzusida yig‘ilish bo‘lib o‘tdi.

Mazkur Yig‘ilishda viloyat hokimligining korrupsiyaga qarshi ichki nazorat qilish sho‘basi mudiri Olmos Yazdanov, Viloyat prokuraturasi uyushgan jinoyatchilik va korrupsiyaga qarshi kurashish bo‘limi alohida muhim ishlari bo‘yicha katta tergovchisi Sanjar Ergashev, Viloyat IIB JQB Korrupsiya va iqtisodiy jinoyatlarga qarshi kurashish bo‘limi boshlig‘i Sherzod Raximov hamda Viloyat Adliya boshqarmasi bo‘limi boshlig‘i Sirojiddin Mamarajabovlar ishtirok etishdi.
Mazkur yig‘ilishda “O‘zbekiston Respublikasining 2024-yil 5-iyundagi “Manfaatlar to‘qnashuvi to‘g‘risida”gi 931-sonli Qonunining mazmun va mohiyati tuman hokimligi hamda tuman tashkiloti rahbarlariga tushuntirildi.

Shuningdek, ushbu yig‘ilishda so‘ngi yetti yilda Davlatimiz Rahbarining tashabbuslari va qat’iy siyosiy idoralari bilan ushbu illatga qarshi murosasiz kurash olib borilayotganligi hamda korrupsiyaga qarshi kurashishni davlat siyosati darajasiga olib chiqilishi va qisqa fursatda korrupsiyaga batamom chek qo‘yish bo‘yicha ham huquqiy ham tashkiliy jihatdan choralar ko‘rilayotganligi ta’kidlab o‘tildi.
Ushbu yig‘ilishda, 2024 yilning o‘tgan davri mobaynida hokimlik xodimlari tomonidan ham korrupsion jinoyatlarning sodir etilishiga ham to‘xtalib o‘tildi hamda sodir etilgan iqtisodiy jinoyatlar va korrupsiya holatlari haqida to‘liq maʼlumotlar berildi.