Xotira va qadrlash kuni oldidan urush qatnashchisi Bo‘ron Gadoyevga hurmat va ehtirom ko‘rsatildi

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

Xotira va qadrlash kuni oldidan urush qatnashchisi Bo‘ron Gadoyevga hurmat va ehtirom ko‘rsatildi

Shu yilning 19-fevral kuni davlatimiz rahbari “Ikkinchi jahon urushi qatnashchilarini rag‘batlantirish to‘g‘risida”gi farmon va “Ikkinchi jahon urushida qozonilgan g‘alabaning 80 yilligi hamda

Xotira va qadrlash kuniga tayyorgarlik ko‘rish va munosib nishonlash to‘g‘risida”gi qarorni imzolagan edi.

Farmonda Ikkinchi jahon urushi qatnashchilarining har biriga 10 ming AQSH dollaridan, Ikkinchi jahon urushi qatnashchilariga tenglashtirilgan shaxslarning har biriga 25 million so‘mdan, 1941–1945-yillardagi urush davridagi mehnat fronti qatnashchilarining har biriga esa 3 million so‘mdan pul mukofotlari berilishi belgilangan.

Bugungi kunda viloyatimizda 2 nafar Ikkinchi jahon urushi qatnashchisi va 252 nafar frontorti mehnat faxriysi hayot kechirmoqda.

Bugun viloyat rahbari Adiz Boboyev boshchiligida davlatimiz rahbarining farmoni asosida Urgut tumanida istiqomat qilayotgan Ikkinchi jahon urushi qatnashchisi Bo‘ron Gadoyevga bir martalik pul mukofoti, "Ikkinchi jahon urushidagi g‘alabaning 80 yilligi” esdalik yubiley medali, Prezident tabrigi yetkazildi va sovg‘alar topshirildi.