.

Viloyatdagi bozorlar va savdo komplekslari ma’muriyati tomonidan undirib olinadigan  bir martalik yig‘imlar, ijara to‘lovlari va ko‘rsatiladigan xizmatlar qiymati miqdorlarini tasdiqlash to‘g‘risida

O‘zbekiston Respublikasining Soliq kodeksi, O‘zbekiston Respublikasi Prezidentining 2010 yil 26 apreldagi “Dehqon bozorlari va savdo komplekslari faoliyatini tashkil qilishni yanada takomillashtirish chora-tadbirlari to‘g‘risida”gi PQ-1326-sonli qarori ga muvofiq, viloyat Bozorlar va savdo komplekslari uyushmasining 2022 yil 7 yanvardagi (1-son) murojaati, viloyat Moliya bosh boshqarmasining 2022 yil 1 fevraldagi
(01/02-38/115-son) va Davlat soliq boshqarmasining2022 yil 29 yanvardagi (20/5-05494-son) xulosalariga asoslanib, 

QAROR   QILAMAN:

1. Quyidagilar: 

Bozorlar va savdo komplekslarining ma’muriyati tomonidan undirib olinadigan bir martalik yig‘imlar miqdorlari 1-ilovaga;

Bozorlar va savdo komplekslarining ma’muriyati tomonidan bino, inshootlar va inventarlarni ijaraga berish va ko‘rsatiladigan majburiy xizmatlar uchun undiriladigan to‘lovlarning miqdorlari 2-ilovaga;

Bozor va savdo komplekslarining ma’muriyati tomonidan maxsus ajratilgan joylarda og‘ir va katta o‘lchamdagi qurilish materiallarini sotish uchun to‘lovlarning miqdorlari 3-ilovaga muvofiq tasdiqlansin.

2. Viloyat Davlat soliq boshqarmasi (A.Inogomov), Bozorlar va savdo komplekslari uyushmasi boshqaruvi (T.Mamadaliyev) larga:

bozorlar va savdo komplekslaridan tushadigan bir martalik yig‘imlar, ijara to‘lovi va ko‘rsatilgan xizmatlar qiymatini belgilangan tartibda to‘liq undirilishini;

yangi tasdiqlangan bir martalik yig‘imlar, ijara to‘lovi va ko‘rsatilgan xizmatlar qiymati miqdorlari haqida viloyatdagi barcha bozorlar va savdo komplekslari, sotuvchi va xaridorlar etiboriga yetkazilishi, bu haqidagi malumotlarni barcha ko‘rinarli joylarga joylashtirilishi xamda amalda tatbiq etilishi ustidan nazorat o‘rnatilishini;

ko‘rsatiladigan xizmatlar qiymati uchun to‘lovlarning holati bo‘yicha monitoring kuzatuvi yuritish va natijalari yuzasidan viloyat hokimligiga aniq takliflar kiritib borilishini;

ko‘rsatiladigan xizmatlar uchun to‘lovlarning yangi miqdorlarini to‘g‘ri qo‘llanilishi hamda to‘liq undirilishi va bozorlar daromadlarining belgilangan qismini mahalliy byudjetga o‘z vaqtida o‘tkazilishi ustidan qat’iy nazorat o‘rnatilishini ta’minlash topshirilsin.

3. Viloyat hokimining 2021 yil 29 yanvardagi “Viloyatdagi bozor va savdo komplekslarining ma’muriyati tomonidan undirib olinadigan bir martalik yig‘imlar, ijara to‘lovlari va ko‘rsatiladigan xizmatlar qiymati miqdorlarini belgilash to‘g‘risida”gi 12-Q-sonli qarori o‘z kuchini yo‘qotgan deb hisoblansin.
4. Viloyat hokimligi axborot xizmati matbuot kotibi (M.Mirzayev), viloyat hokimligi “Axborot-kommunikatsiyalarini rivojlantirish markazi” (A.Anvarov) ushbu qarorni ommaviy axborot vositalarida chop etilishini hamda viloyat hokimligining rasmiy veb-saytiga joylashtirilishini ta’minlasin.
5. Mazkur qarorning ijrosini nazorat qilishni viloyat hokimining birinchi o‘rinbosari J.Urakov zimmasiga yuklatilsin.
6. Ushbu qaror rasmiy e’lon qilingan kundan e’tiboran kuchga kiradi.

 Viloyat hokimi                                                                         E.Turdimov

Qaror loyihasini muhokama qilish va fikr-mulohazalaringizni bayon etish uchun ushbu havolani bosing.