Samarqand delegatsiyasining Xitoy Xalq Respublikasiga amaliy tashrifi davom etmoqda.

Hozirda viloyatimiz vakillari Guangdong provinsiyasida bo'lib turishipti.

Ayni damda viloyat hokimi Erkinjon Turdimov va Guangdong provinsiyasi Xalq majlisi doimiy qo‘mitasi raisi o‘rinbosari Chjan Shofu o‘rtasida uchrashuv bo‘lib o‘tmoqda.

Tomonlar O‘zbekiston va Xitoy davlat rahbarlarining sa’y-harakatlari tufayli o‘tgan yillar davomida ikki tomonlama aloqlar rivojlanayotganligini ta’kidladilar.

Barcha darajadagi aloqalar dinamikasi oshib borayotgani, siyosiy muloqot va muhim masalalar bo‘yicha o‘zaro hamkorlik mustahkamlanayotgani mamnuniyat bilan qayd etildi.

Uchrashuvda tomonlarni qiziqtirgan ko‘plab sohalarda hududlar o‘rtasida ikki tomonlama hamkorlikni rivojlantirish masalalari muhokama qilindi.