Самарқанд вилоят ҳокимининг Қарори

"Маҳаллий давлат ҳокимияти тўғрисида"ги Ўзбекистон Республикаси Қонунининг 17-моддасига асосан ҚАРОР ҚИЛАМАН:

I. Халқ депутатлари Самарқанд вилояти Кенгашининг навбатдаги йигирма саккизинчи сессияси 2016 йил 21 сентябрь куни соат 9:00 да вилоят ҳокимлигининг катта мажлислар залида чақирилсин.

II. Халқ депутатлари Самарқанд вилояти Кенгашининг навбатдаги йигирма саккизинчи сессияси кун тартибига қуйидаги масалалар киритилсин:

1. Халқ депутатлари вилоят Кенгашига бўшаб қолган ўринларга 2016 йилнинг 11 сентябрь куни ўтказилган сайлов натижалари тўғрисида вилоят сайлов комиссиясининг ахбороти ва сайланган депутатларнинг ваколатларини тасдиқлаш ҳақида.

2. Халқ депутатлари вилоят Кенгашидаги сиёсий партияларнинг депутатлик гуруҳлари таркибига ўзгартириш киритиш ҳақида.

3. Халқ депутатлари вилоят Кенгашининг доимий комиссиялари таркибига ўзгартириш киритиш ҳақида.

4. Ўзбекистон Республикаси Президенти сайловини ўтказувчи округ сайлов комиссияси таркибига номзодларни тавсия этиш тўғрисида.

5. Халқ депутатлари вилоят Кенгашига сайлов ўтказувчи вилоят сайлов комиссияси таркибига ўзгартириш киритиш тўғрисида.

6. Ташкилий масала.

Вилоят ҳокими  З.МИРЗАЕВ

2016 йил 16 сентябрь