Ургут туманининг 119-умумтаълим мактабида шу мавзуда тадбир ўтказилди. Вилоят ҳокимлиги ҳамда тумандаги ҳарбий қисм томонидан ташкил этилган тадбирда бир қатор жамоат ташкилотлари вакиллари, ўқитувчи ва ўқувчилар иштирок этишди.

– Ушбу мактаб қўшни давлат билан чегарадош ҳудуддаги Ваткан-Қўзибек қишлоғида жойлашганлиги сабабли ўқувчилар билан давлат чегаралари, унинг дахлсизлиги ва аҳоли тинчлигининг аҳамияти бўйича турли суҳбат ва учрашувлар ўтказиб келамиз, – дейди чегара қўшинлари ҳарбий хизматчиси Шамсиддин Сариқулов. –  Шуни ишонч билан айта оламизки, юртимизнинг келажаги бўлган ўқувчи-ёшлар қалбида Ватанга муҳаббат ва садоқат ҳисси мужассам. Улар истиқлол туфайли мамлакатимизда юз бераётган ўзгаришлар, эришилаётган ютуқларга, юрт равнақига асло бефарқ эмас. Қалбларидаги жўшқинлик, жасурлик ва садоқатга ҳавас қиласан, киши.

Ташкилотчилар ана шундай учрашувларда фаол иштирок этган бир қатор ўқувчиларга эсдалик совғалари топширдилар.

Тадбирда вилоят ҳокимининг ўринбосари, хотин-қизлар қўмитаси раиси Н.Раббимова иштирок этди.