Ургут спорт ва хизмат кўрсатиш касб-ҳунар коллежида Конституциямиз қабул қилинганлигининг 24 йиллигига бағишланган тадбир ўтказилди. Унга чегара қўшинлари сафида йигитлик бурчини адо этаётган ҳарбий хизматчилар, ҳудудда жойлашган маҳаллалар фаоллари, зиёлилар ҳамда ўқувчи-ёшлар таклиф этилди.

Тадбирда Ўзбекистон Республикаси Конституциясининг қабул қилиниш тарихи, унинг мазмун-моҳияти ҳақида сўз юритилди. Бош Қомусимиз халқимиз фаровонлиги ва турмушимиз ободлигининг кафолати экани, инсон қадр-қиммати, манфаати, шаъни ва бошқа дахлсиз ҳуқуқларини таъминлашда, мустақиллигимизни асраб-авайлашда муҳим ўрин тутаётгани алоҳида таъкидланди.

Республика чегара қўшинлари ашула ва рақс ансамбли томонидан намойиш этилган концерт дастури тадбирга йиғилганлар қалбида ўзгача шукуҳ уйғотди.