Тадбирда «Маҳалла» хайрия жамоат фонди туман бўлими вакиллари,  фуқароларнинг ўзини ўзи бошқариш органлари, «Маҳалла посбони» жамоат тузилмаси раҳбарлари ва ёшлар иштирок этди.

– Ёшлар орасида жиноятчилик ва ҳуқуқбузарликларнинг олдини олишга барчамиз масъулмиз, – дейди бошқарма ходими Л.Зиядуллаев. – Айниқса, ёшлар орасида гиёҳвандлик воситалари тарқалишига қарши курашиш келажагимиз эртаси бўлган авлодни соғлом тарбиялашда муҳим аҳамият касб этади. Бугунги кунда ёшларга кўрсатилаётган эътибор ва ғамхўрликларга қарамасдан, улар орасида турли ҳуқуқбузарликлар содир этиш ҳолатлари учраётгани ачинарли ҳолдир.

Учрашувда иштирокчиларга «Ёмоннинг бир қилиғи» ва «Қимматга тушган қизиқиш» ҳужжатли фильмлари намойиш этилди.

Вилоят божхона бошқармаси ахборот хизмати.