Самарқандга Япониянинг "IDEABOX” компанияси директори Tomoxito Xirasava бошчилигидаги делегация ташриф буюрди. Ташриф дастури доирасида вилоят ҳокимлигининг туризмни ривожлантириш департаментида музокара олиб борилди.

Музокарада вилоят туризмни ривожлантириш департаменти ҳамда жисмоний тарбия ва спорт бошқармаси вакиллари иштирок этишди.

Музокарада япониянинг Yamanashi префектураси Kofu шаҳрининг “Ventforet Kofu” ва вилоятимизнинг “Динамо” клуби ўсмирлар футбол жамоалари ўртасида ўртоқлик учрашувини ўтказиш масалалари муҳокама этилди.

Ўртоқлик учрашуви жорий йилнинг 3 апрель куни “Динамо” стадионида ўтказилиши режалаштирилмоқда. Ушбу тадбир вилоятимизда спорт туризмини ва ёшлар ўртасида спортни ривожлантиришда ижобий рол ўйнайди.