Самарқанд санъат коллежи Концерт залида анъанавий “Янги овозлар” кўрик-танлови ғолиб ва совриндорлари иштирокида якуний гала-концерт ўтказилди.

Вилоят ҳокимлиги ташаббуси билан иккинчи бора ўтказилган мазкур танловдан кўзланган мақсад Самарқанд мусиқа маданиятини янада равнақ топтириш, санъат, мусиқа, фольклор, миллий рақс ва бастакорлик соҳаларида номи кўпчиликка таниш бўлмаган иқтидорларни кашф этишдир.

Танлов иштирокчилари миллий мумтоз хонандачилик ижрочилиги, якка ва созандалар ансамбллари ижрочилиги ҳамда миллий эстрада йўналишлари бўйича беллашдилар.

Тадбирда танлов ғолиблари ҳамда таниқли санъаткорлар иштирокида концерт дастури намойиш этилди.