Самарқанд шаҳар ёшлар Иттифоқи биносида “Бешинчи халқаро JAZZ фестивали”га бағишланган тадбир ўтказилди.

 Тадбир Самарқанд давлат университети ва Ҳиндистоннинг 4 та олий таълим муассасалари иштирокида ташкил этилди. Халқаро жазз фестивали доирасида вилоятимиз хонандалари билан бир қаторда Ҳиндистоннинг машҳур қўшиқчиси Шефали Алварезнинг чиқишлари иштирокчилар олқишига сазовор бўлди.

Тадбирда сўз олганлар Самарқанд давлат университети ҳамда тўртта Ҳиндистон университетлари ўртасида ҳамкорлик шартномалари имзоланганлигини таъкидлаб, ушбу шартномаларда ёшларимиз учун Ҳиндистон олий ўқув юртларига ўқишга киришда имтиёзлар қайд этилганлиги билдириб ўтишди.