Самарқанд шаҳридаги олимпия захиралари тайёрлаш марказида “Ўзбекистон жанг санъати” миллий спорт тури бўйича 7 ёшдан 25 ёшгача бўлган рангли белбоғ соҳиблари ўртасида вилоят ҳокими кубоги мусобақаси бўлиб ўтди.

Самарқанд вилоят ҳокимлиги, вилоят маданият ва спорт ишлари бошқармаси ҳамда вилоят “Ўзбек жанг санъати” федерацияси билан ҳамкорлигида ташкил этилган мусобақада Тошкент, Сирдарё, Қашқадарё ҳамда Самарқанд вилоятидан 100 нафардан зиёд спортчилар ғолиблик учун беллашдилар.

Муросасиз кечган баҳслар якунига кўра умумжамоа ҳисобида самарқандлик спортчилар биринчи, сирдарёлик ёшлар иккинчи, пойтахт вакиллари эса шоҳсупанинг учинчи ўрнидан жой олдилар.