Ургут туманида “Обод қишлоқ” давлат дастури доирасида Ишчан маҳлласида 3 та ва Украч маҳалласида 1 та ижтимоий соҳа объектлари фойдаланишга топширилди.

Дастур доирасида Ишчан маҳалласида жойлашган 18-сонли умумтаълим мактабига қўшимча 100 ўринли ўқув биноси, 100 ўринли 19-мактабгача таълим муассасаси ҳамда “Ишчан” қишлоқ врачлик пункти қуриб, фойдаланишга топширилди. Шунингдек, Украч маҳалласида ҳам дастур доирасида 100 ўринли 34-сонли мактабгача таълим муассасаси қуриб битқазилди.

Тантанали тадбирлар давомида 1 нафар кам таъминланган оила фарзандининг суннат тўйи ўтказилди.

Байрам тадбирда туман ҳокимлиги ва кенг жамоатчилик вакиллари иштирок этишди.