Япония Молия Вазирлигининг Сиёсий тадқиқотлар институти вакиллари Самарқанд Давлат университетига ташриф буюрди.

Делегация таркиби кўплаб халқаро ташкилотларда фаолият олиб борган, бой тажрибага эга бўлган 5 нафар халқаро экспертлардан ташкил топган. Ташриф дастури доирасида делегация аъзолари Самарқанд Давлат университетидаги таълим-тарбия жараёни, сифатли таълим-тарбия бериш учун яратилган шароитлар ҳамда олийгоҳда олиб борилаётган илмий-тадқиқот ишлари билан танишишди.

Шунингдек, университет профессор-ўқитувчилари ва талабалари учун профессор Кенсаку Муненанинг “Жаҳон иқтисодиёти: Ўзбекистон ва Япония” мавзусидаги маърузаси тингланди. Учрашув якунида маърузачи тингловчиларнинг саволларига жавоб берди.