Туркиянинг Мерсин шаҳрида бўлиб ўтган театр кунларида Самарқанд вилояти қўғирчоқ театри иштирок этди. Жамоанинг  “Улуғбек юлдузи” номли спектакли театр кунлари доирасида намойиш этилди.

Спектакль давомида унинг турк тилидаги таржимаси экранда ёритиб борилди. Спектакл санъатсевар аҳоли ва болажонлар томонидан гулдирос олқишлар билан қарши олинди.

Спектакль якунида Мерсин шаҳри мэри режиссёрлик иши, асарнинг ғояси ажойиблигини, барча болажонларга бирдай манзур бўлганини билдирди.