Самарқанд шаҳридаги “Ёшлик” маданият ва истироҳат боғида татар ва бошқирд халқларининг “Сабантўй” миллий байрами бўлиб ўтди. 

Вилоят ҳокимлиги, маданият ва спорт ишлари бошқармаси ҳамда “Ўмырзая” татар-бошқирд миллий-маданий маркази ташаббуси билан ташкил этилган тадбир миллатлар ва халқларни бирлаштирувчи тинчлик, дўстлик ва бирдамлик байрамига айланиб кетди.

Тадбирда вилоятда истиқомат қилувчи турли миллат вакиллари, кўплаб меҳмонлар қатнашди. Профессионал ва ҳаваскор санъаткорлар,  ансамбллар ижросида куй-қўшиқлар янгради, миллий рақслар ижро этилди.

Бахтиёр Мустанов