“Баркамол авлод” болалар марказида “Инглиз тили билимдонлари” интеллектуал мусобақасининг вилоят босқичи ўтказилди.

Президентимизнинг 2012 йил 10 декабрдаги “Чет тилларни ўрганиш тизимини янада такомиллаштириш чора-тадбирлари тўғрисида”ги қарори ижросини таъминлаш мақсадида юқори синф ўқувчилари ўртасида ўтказиб келинаётган мазкур танловда туман (шаҳар) босқичида ғолибликни эгаллаган ўқувчилар жамоалари иштирок этишди.

Ҳар бир туман, шаҳар умумтаълим мактабларининг 5, 6, 7, 8, 9-синф ўқувчиларидан шакллантирилган гуруҳ аъзолари ўқиш ва ёзиш компетенцияси, тинглаб, тушуниш ва гапириш компетенцияси, саҳна кўринишлари орқали инглиз тили дарслари ва ўқув машғулотларида олган билим ва маҳоратларини намойиш этдилар.

Танлов натижасига кўра, Самарқанд шаҳри ва Ургут тумани жамоалари иккинчи, Каттақўрғон шаҳри жамоаси учинчи ўринни эгаллади.

Биринчи ўринни эгаллаган Самарқанд тумани ўқувчилари танловнинг республика босқичида вилоят шарафини ҳимоя қилади.

Д. Абдураҳмонова