Ўзбекистон Республикаси Президентининг 1995 йил 5 январдаги фармони ҳамда Вазирлар Маҳкамасининг 2016 йил 25 февралдаги ва вилоят ҳокимининг 2016 йил 27 февралдаги фармойиши ижросини таъминлаш мақсадида 3-5 март кунлари Ўзбекистон Республикаси Президенти соврини учун ўтказиладиган анъанавий “Ташаббус-2016” кўрик-танловининг туман (шаҳар) босқичи, 17 март куни вилоят олимпия захиралари тайёрлаш марказида танловнинг вилоят босқичи бўлиб ўтади.

Унда тадбиркорлар қуйидаги номинациялар бўйича беллашадилар:

“Энг яхши тадбиркор” – 1, 2, 3-ўринлар;

“Энг яхши фермер” - 1, 2, 3-ўринлар;

“Энг яхши ҳунарманд” – 1, 2, 3-ўринлар.

Шунингдек, кўрик-танловга “Энг ёш тадбиркор”, “Энг яхши тадбиркор аёл”, “Йилнинг энг мурувватли тадбиркори”, “Энг яхши маҳсулот учун”, “Тадбиркорлик учун энг яхши муҳит яратган туман (шаҳар)” каби қўшимча номинациялар ҳам киритилган.

Савдо-саноат палатаси вилоят ҳудудий бошқармаси