Вилоят ҳокимлигида тадбиркорлик соҳасини ривожлантириш, мавжуд муаммоларни бартараф этиш масалаларига бағишланган йиғилиш бўлиб ўтди.

Видеоселектор тарзида ўтказилган йиғилишда вилоят, шаҳар, туман ҳокимликлари вакиллари, идора ва ташкилотлар раҳбарлари ҳамда тадбиркорлар иштирок этди.

Тадбирда сўзга чиққан Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя килиш бўйича вакили Дилмурод Қосимов, Ўзбекистон Савдо-саноат палатаси раиси ўринбосари Жамшид Ўроқов ва бошқалар Президентимизнинг жорий йил 17-18 март кунлари Самарқандга ташрифи чоғида тадбиркорликни ривожлантириш бўйича белгиланган вазифалар ва уларнинг ижросини таъминлаш учун амалга оширилиши лозим бўлган ишлар ҳақида сўз юритди.

Дарҳақиқат, айни пайтда вилоятда фаолияти тўхтаб қолган ва тўлиқ қувватда ишламаётган 1187 та кичик бизнес субъекти мавжуд. Уларнинг фаолиятини тиклаш бўйича чора-тадбирлар олиб борилмоқда.

Йиғилишда тадбиркорлар билан очиқ мулоқот ўтказилди ва уларни қийнаётган масалалар юзасидан мурожаатлари тингланди.

Fолиб Абдусаломов.