Вилоят ҳокими вазифасини бажарувчи Э.Турдимов “Тадбиркорлар куни” муносабати билан ўтказган навбатдаги қабулда 25 нафар тадбиркорни қабул қилди. 

Ишлаб чиқариши ривожига тўсиқ бўлаётган муаммоли масалалар, фаолиятида дуч келаётган камчиликларга ечим топиш тўғрисидаги мурожаатларнинг аксарияти қурилиш, кадастр соҳалари билан боғлиқ бўлди. Шунингдек, ер ажратиш, инновацион ғояларни амалга ошириш бўйича ҳам таклифлар тушди. 
Вилоятдаги айрим тижорат банклари томонидан кредит беришда муаммолар, афсуски ҳали-ҳамон учраб турибди. Бу аслида тадбиркорга энг яқин кўмакчи бўлиши керак бўлган банк муассасаси раҳбарининг олиб борилаётган ислоҳотлар мазмунини тушуниб етмаганидан далолат беради. 
Тадбиркорликка ғов бўлаётган айрим банк мутасаддиларига жиддий чоралар кўрилди.

ҲОКИМЛИК АХБОРОТ ХИЗМАТИ