S.O.S Kinderdorf International халқаро федерацияси Президенти Сиддхарта Каул бошчилигидаги делегация Самарқандга ташриф буюрди.

Ташриф дастури доирасида делегация аъзолари Самарқанд шаҳридаги тарихий қадамжоларни зиёрат қилиб, вилоят ҳокимлигида ўтказилган учрашувда иштирок этишди. Делегация таркибида S.O.S Kinderdorf International халқаро федерациясининг Марказий Осиё ва Кавказ давлатлари бўйича директори Зденко Седлар ва Ўзбекистон S.O.S болалар маҳаллалари уюшмаси директори Гулноза Абидовалар  ҳам иштирок этди.

Учрашувда федерация Президенти Сиддхарта Каул томонидан Ўзбекистонда S.O.S болалар маҳаллаларига амалий ёрдам бериш борасида олиб борилаётган ишларни юксак баҳолади. Болаларни уй-жой билан таъминлаш борасидаги маҳаллий ҳокимиятлардаги ишлар таҳсинга сазоворлигини билдирди ҳамда чин етим болаларни уй-жой билан таъминлаш ишлари саноқли давлатлардагина амалга оширилаётганлигини таъкидлади.