Ўзбекистон Ёзувчилар уюшмаси, маънавият ва маърифат маркази ҳамда «Ўзбекнаво» эстрада бирлашмаси вилоят бўлимлари ходимларидан иборат тарғибот гуруҳи аъзолари Паст Дарғом туманидаги «Умсин момо» фермер хўжалиги далаларидаги ҳашарчилар ҳузурида бўлди.

Улар пахта йиғим-теримида қатнашаётган Хончорбоғ маҳалласининг уюшмаган аҳоли вакилларидан иборат отряд теримчилари билан ижодий учрашув ўтказди.

120 гектар майдонда «оқ олтин» етиштирган фермер хўжалиги шийпонида кечки пайт ташкил этилган тадбирда шоир, ёзувчилар ўзларининг ижод намуналаридан ўқиди. Вилоят қўғирчоқ театри актёрларининг томошалари ва «Паст Дарғом наволари» бадиий ҳаваскорлик жамоаси хонандаларининг чиқишлари теримчиларга хуш кайфият улашди.

Ёрмамат РУСТАМОВ.