Замонавий тиббиёт ривожлангани сари қон қуйиш соҳасида катта ўзгаришлар бўлмоқда. Бу эса ўз навбатида тиббиёт ходимларидан қон қуйиш ва йиғишда беғараз донорликни тарғиб қилиш ва сифатини таъминлаш борасидаги ўзгаришлардан мунтазам хабардор бўлиб туришларини тақозо этади.

Шу мақсадда вилоят қон қуйиш марказида барча туман ва шаҳар тиббиёт бирлашмаларининг акушер-гинеколог, жарроҳ, врач-лаборант ҳамда трансфузиолог мутахассислари учун маҳорат дарслари ташкил этилди.

Маҳорат дарсларида мутахассисларнинг малакаси ва тажрибасини ошириш, замонавий қон қўйиш тизими, шунингдек, иш жараёнида ўз хавфсизликларини ҳам таъминлашлари лозимлиги борасида маърузалар ўқилиб, амалий машғулотлар ўтказилмоқда.

Жорий йилнинг 4 майига қадар 36 соатлик дастур асосида ҳар бир мутахассислик бўйича босқичма-босқич маҳорат дарслари ўтказилади.