2019 йил 4 март куни “Самарқанд вилояти сайёҳлик салоҳиятини ошириш ва туризм инфратузилмасини янада ривожлантириш бўйича йўл харитаси” тасдиқланди. Йўл харитада Самарқанд вилоятида мунтазам равишда 

ўтказиладиган фестиваль, сайил ва бошқа тадбирлар рўйхати қайд этилган. Жумладан, Самарқанд шаҳрига ташриф буюрган саёҳларнинг вақтларини мазмунли ўтказиш мақсадида Регистон майдонидаги 3D лазерли шоуси эндиликда ҳар куни намойиш этилиши кутилмоқда.
Март, ноябрь ва декабрь ойларида “Улоқ-кўпкари” ўйинлари, 7 сентябрда “Кишмиш” фестивалини ҳам ўтказиш йўл харитада акс эттирилган.
Шунингдек, вилоятимиз туман ва шаҳарларида ўтказиладиган сайиллар, миллий ўйинлар, фестивалларнинг ҳам аниқ санаси белгиланди.
7 март куни Ургут туманида миллий таомлар сайли, 14 март куни Самарқанд туманидаги Нодирдевонбеги мадрасасида сумалак сайли, 15 мартда Тайлоқ туманида баҳор таомлари кўриги, 22 март куни Нуробод тумани Оқсой қишлоғида кураш беллашувлари ўтказиш режалаштирилган.