Вилоятдаги ўрта махсус, касб-ҳунар таълими муассасаларининг 39 нафар ўқувчилари1-4 июнь кунлари ўтказилган Республикафан олимпиадасида еттита совринли ўринларга сазовор бўлди ва умумжамоа ҳисобида биринчи ўринни эгаллади.

Жумладан, Самарқанд давлат университети қошидаги 1-сон академик лицей ўқувчиси Нигора Тошмуродова она тили ва адабиёт, Самарқанд автомобилсозлик касб-ҳунар коллежи ўқувчиси Сардор Нарзиев рус тили ва адабиёти, Сиёб тиббиёт коллежи ўқувчиси Муҳаммаджон Масеев кимё фанидан 1-ўринни эгаллади.

Шунингдек, Самарқанд иқтисодиёт ва сервис институти қошидаги 2-сон академик лицей ўқувчиси Дурдона Анварова ўзбек тили ва адабиёти, Самарқанд давлат университети қошидаги 2-сон академик лицей ўқувчиси Шаҳзод Узоқбоев кимё, Жомбой маиший хизмат касб-ҳунар коллежи ўқувчиси Алижон Ҳайитмуродов амалий география фанидан 2-ўринга, Самарқанд давлат университети қошидаги 1-сон академик лицей ўқувчиси Фароғат Насимова эса ўзбек тили ва адабиёти фанидан 3-ўринга сазовор бўлди.

2000-2015 йилларда вилоятдаги академик лицей ва касб-ҳунар коллежлари ўқувчилари халқаро ва республика миқёсида ўтказилган фан олимпиадаларида иштирок этиб, 55 та совринли ўринни эгаллаган ва олий ўқув юртларига тест синовлари ва қўшимча имтиҳонларсиз қабул қилинган.

Абдужаббор Пўлатов