Ургут туманининг Тўрткўл маҳалла марказида минг кишилик амфитеатр, ўттиздан ортиқ савдо, маиший хизмат кўрсатиш шохобчалари ва кичик ишлаб чиқариш корхоналари қуришга киришилди.

* * *

Жомбой туман ФҲДЁ бўлими ташаббуси билан туман маҳаллаларида катта ҳаёт остонасида турган ёшларнинг никоҳга муносабати ҳамда оналик ва оталик масъулиятини шакллантиришга қаратилган тадбирлар ташкил этилди.

* * *

Оқдарё туман ҳокимлиги, прокуратураси, ички ишлар бўлими ҳамда бандликка кўмаклашиш ва аҳолини ижтимоий муҳофаза қилиш маркази ҳамкорлигида ташкил этилган бўш иш ўринлари ярмаркасида 66 корхона, ташкилот ва муассаса 238 бўш иш ўрни билан иштирок этди. Кун якунида 40 дан зиёд фуқаро ўз мутахассислиги бўйича ишга жойлашиш учун йўлланма олди.