10-15 август кунлари Самарқанд вилоятининг туман ва шаҳарларида “Ҳеч ким меҳр ва эътибордан четда қолмасин” шиори остида  бепул чуқурлаштирилган тиббий кўрик ўтказилади.

***

Жомбой тумани марказида “Ёшлар боғи” бунёд этилмоқда. Мазкур боғ Мустақиллигимизнинг 24 йиллиги арафасида фойдаланишга топширилади.

***

Каттақўрғон шаҳридаги маданият ва истироҳат боғида мустақиллигимизнинг 24 йиллигига бағишлаб “Қўшиқларда Ватан мадҳи” мавзусида назм ва наво кечаси ўтказилди.

***

Каттақўрғон туманида 23 нафар кекса фуқароларнинг уйлари ҳомийлар томонидан таъмирланмоқда.

***

Қўшработ туманида бир вақтда 25 кишига хизмат кўрсатиш қувватига эга янги ҳаммом фаолиятини бошлади.

***

Сингапур давлатида Ўзбекистоннинг сайёҳлик салоҳияти намойиш этилиб, бир қатор тарихий шаҳарлар, хусусан, Самарқанддаги маҳобатли қадимий обидалар хусусида маълумот берилди.

***

Жанубий Кореянинг Ўзбекистондаги элчиси Ли Ук Хоннинг таъкидлашича, бу йилги “Шарқ тароналари” фестивалида ушбу давлатнинг “Пунг Рю” (“Нафосат”) ансамбли иштирок этади. Мазкур ансамбль Англия, АҚШ, Хитой ва бошқа давлатларда ўтказилган халқаро фестивалларда муваффақиятли иштирок этган.

Анвар Мустафоқулов тайёрлади