“Кексаларни эъзозлаш йили” Давлат дастури ижросига кўра, самарқандлик 230 нафар Иккинчи жаҳон уруши қатнашчиси Ўзбекистонда ишлаб чиқарилган аналогли ва рақамли телевизор билан таъминланди.

***

2015-2017 йилларда вилоятда 3358 нафар ижтимоий ёрдамга муҳтож кексаларнинг уй-жойлари жорий ёки мукаммал таъмирланиши режалаштирилган. Жорий йилнинг 5 ойида 273 та уй-жой таъмирланди.

***

2015 йилнинг шу даврига қадар вилоятда соғлиқни сақлаш муассасалари томонидан 239 минг 534 нафар кексалар (279 нафари уруш фахрийлари, 5342 нафари меҳнат фронти фахрийлари, тиббий кўрикдан ўтказилди.

***

Булунғур туманида маҳаллалардаги “Ораста қизлар” тўгараги аъзолари ўртасидаги танловнинг туман босқичи бўлиб ўтди. Шундай танлов вилоятнинг бошқа туман ва шаҳарларида ҳам ўтказилмоқда.

*** 

www.uz миллий қидирув тизими томонидан ўтказилган рейтинг натижаларига кўра юртимиздаги энг яхши олий таълим муассасалари учлигидан Халқаро Вестминстер университети, Самарқанд давлат медицина институти ҳамда Тошкент ахборот технологиялари университети жой олган.

*** 

Қашқадарё вилоятида бўлиб ўтган “Қувноқ стартлар” спорт мусобақасининг республика финал босқичида Ургут туманидаги 3-умумтаълим мактабининг “Чинор” жамоаси биринчи ўринни эгаллади.

Гулруҳ Мўминова тайёрлади