Тадбиркорлар ва ишбилармонлар ҳаракати - Ўзбекистон либерал-демократик партияси сиёсий кенгаши, Ўзбекистон тадбиркорлик ва фермерлик ҳаракатини қўллаб-қувватлаш маркази ҳамда Санкт-Петербург шаҳри маъмурияти ҳамкорлигида видеоанжуман ташкил этилди.

“Ўзбекистон ва Санкт-Петербург шаҳри ўртасидаги ўзаро ҳамкорлик алоқаларининг истиқболлари” мавзусида ўтказилган видеомулоқотда Тошкент, Андижон, Сурхондарё ва Самарқанд вилоятлари фермерлари иштирок этди.

Он-лайн мулоқотда ишлаб чиқарувчиларнинг хориж бозорларига тўғридан-тўғри маҳсулот чиқариш ва ишончли ҳамкорлик алоқаларини йўлга қўйишларидаги имкониятлар ҳақида гап борди.