Самарқанд туманидаги «Samred trade» масъулияти чекланган жамияти меваларни қайта ишлашга ихтисослашган.

Корхона цехлари Латвия технологияси асосида жиҳозланган бўлиб, бу ерда соатига 2 тонна маҳсулотни қуритиш имконияти мавжуд.

– Маҳсулотни қўшни туман ва вилоятларнинг фермер хўжаликларидан шартнома асосида қабул қиламиз, – дейди жамият иш бошқарувчиси Сирожиддин Қурбонов. – Ҳозирги кунда корхонамизда 25 нафар ишчи меҳнат қилмоқда. Йилига 2 минг тонна қуритилган қароли, майиз ва туршак тайёрланмоқда. Маҳсулотларни Россия, Латвия ва Беларусь давлатларига жўнатяпмиз. Ўтган йили 1 миллион доллар миқдорида маҳсулот экспорт қилишга эришган бўлсак, бу йил бу кўрсаткични 1,5 миллион АҚШ долларига етказишни режалаштирганмиз.